Aksident në superstradën Lezhë-Laç/ Përplasen dy automjete, plagoset një person. Dërgohet me urgjencë në spital

Një person ka mbetur i plagosur si pasojë e një aksidenti në superstradën Lezhë-Laç.

Aksidenti ndodhi pasditen e së mërkurës pranë kryqëzimit të Rrilës, ku u përplasën dy automjete e për pasojë ka mbetur i plagosur drejtuesi i automjetit tip Skoda.

Ai u dërgua në spitalin rajonal të Lezhës dhe mësohet se ndodhet jashtë rrezikut për jetën, raporton korrespondenti i Panorama.al. Ndërkaq, policia e cila mbërriti menjëherë në vendin e ngjarjes dhe ka nisur hetimet për zbardhjen e shkaqeve dhe rrethanave të këtij aksidenti.